وف كل خطوه ع السجاده الطويله
يلبسو بعض ملابس الزفاف
جرافته.. طرحه
ترتاح على صدره
تخش إيده شعرها مودة
يا سلام لما تملا تقاطيعك عينى
ورا الشيش بيتلصص عليهم
يموتو ف جلدهم
ف يدور الفراش الملون حوالين راسهم
كسر الخاطر متعب
ف يا عنيهم المصحصحه إسرحى
الشط بطوله فاضى لكم
ترشه بالمايه فيرشها ويحلا الهزار
أنط أنا للقارب بقوة حدفتى للمجدافين
رمحين ف عين الشمس
وأجدف بإديا لبعييد
شكلهم مفرح
واحد م المعازيم وزّع ألبومات
لصوره وصورها
لما كانو صغيرين.. لما كبروا شوية.. ولما..
الخادم فات.. فات
فوق صينيته قدم لهم كاميرا
يارتها كانت زفه سريه
إضحك عشان الصوره تطلع حلوه
بص لها زى بصة سلفادور دالى لمراته
قام الشيش مفتوح بغلاسه
ونزل الفراش يدور حوالين رجليهم
اللى مش لامسه الأرض.