جريت صوتي تالي الليل جره
والناس هجعا وأرفع الصوت بأبيات
ولقيت في سود الليالي مضره
كم كلمة ولّت وراحت ولا جات
النوم يعرض للعيون وتمره
مر الكرام اللي خطاهم سريعات
تلبس حرير وبنت الاحرار حره
عمهوجة تغدي لها النفس توقات
دنيا تزيّن للغرير وتغرّه
بين الليال وبين الأيام غرات
غارة زمان ويكفي الله شره
أدري الهوى والنفس وإبليس ما مات
يفضى الفضا لو ضاق بحره وبره
والأرض كوكب تحت سبع السماوات
احذر عدوك دبه العمر مره
واخذ الحذر من صاحبك عشر مرات