تغيرت سبحان المغير
وقل الحياء لي فيك والغيرة
وأصبحت في حقي مقصر
وظنيت يدي منك قصيره
تواعدني وتهجر...
تعاهدني وتغدر
ونا من الناس لاقد عاهدوا ما يغدرون
وان قلت لك لي حق تنكر
ولا تعتبر ظلمي نكيره
ولا شفتنا تعبر مشمتر
وتقفي وتعطينا الشتيره
فعالك كلها ضر
وأعمالك تحير
هداك الله مالك قلب عاخلك حنون
بعادك على قلبي يؤثر
وجدي مناجاتك تثيره
وحبك استعبدني ونا حر
وحيرتي في عشقتك حيره
ونتغاضى ونصبر...
على الحالي وعا المر
ونقبل كل شيء ونقول في حبك يهون
حفظت الهوى ما بيننا سر
ولا جبت للعذال سيره
وخليت أصحابي تِدوّر
على قصتي في كل ديره
ويا ريتك تفكر...
بما ألقى وتذكر
زمائك بايزيل الشك منك والظنون