لولا العيون اللي فضح دمعها الشوق
ولا ..الضلوع اللي تحطّم..بالاشواق
مااسهرت انا ليل ٍولا اتعبت انا الموق
ولا كان لي رسم ٍ ..على وضح الاوراق
ولاصرت دون النجم انا جيه من فوق
ولاغاب مع همسي قبل وقت الاشراق
وخليت جمر ٍ في الدجى بات محروق
تذري.عليه الريح من عقب الاحراق
في خد كثبانٍ من الريح مصفوق
اصفى من الوان الذهب بين الاسواق
السهد ماخلا من الطيف..مطروق
اظما ..هدب عينٍ بها جفو ..الاطراق
ماكن في قربي من الناس مخلوق
من كثر ماعلقت.. عيني بالافاق
كلٍ بها الدنيا على الحظ مسيوق
حق ٍ..وتصخيه الليٰالي بالاحداق
كمٍ تلعثم ف اسفل الصدر منطوق
كل الاماني ..والرجا طٰي الاعماق
مديت كف ٍ..كلها دم وعروق
وماغير رسم الشوق في جلدها باق