هى الدنيا جرى فيها أيه
لما عيونها دخلت قلبى
عمرى ما قلت إزاى أو ليه
بعد شويه بتهجر حبى
قلبى الطيب كان فرحان
زى فراشه ف نور بستان
غنى غناوى الحب بحالها
خلا الدنيا تغنى كمان
لمّا قابلته ف أول مرة
شفت الدنيا فى ضى عينيه
فجأة لاقيته بيهجر حبى
هى الدنيا جرى فيها أيه؟
ليه مش شايفه شمس غرامى؟
كل كلام الحب كلامى
كل زهور الدنيا عواطفى
كل طيور السما أحلامى
بعد دا كله بينكر حبى
أنا مش عارف أيه يرضيه
راح ف طريقه لوحده وسابنى
هى الدنيا جرى فيها أيه؟