قلبي اللي لواه مْن الصواديف لاوي
جرّحته الليالي والحظوظ الرديّة
والله أنّي بوسط الناس كنّي خلاوي
من يلوم المفارق عقب فرقا خويّة
أشهد أن المفارق من عظيم البلاوي
مير هذا نصيبك يالعيون الشقيّة
أتجلّد وأقول أنّي على البعد قاوي
والله أعلم بقلبٍ فيه الأشواق حيّه
كيف راحت يابو تركي حياتي شقاوي
وين درب السعادة والحياة الهنيّة
ليت لأهل الهوى والحب قاضي دعاوي
كان أداعي عيون اللي فراقه خطيّه
كنّي المبلي اللي قطّعته المكاوي
كلّما جظّ بالونّات زادوه كيّه