من لا فهمك ابعد عنه لين يفهمك
وامش بطريقك واتقن بالخطاوي
احيان كلمة مدح حلوه تسممك
واحيان كلمة نصح تجرح تداوي
تغيشم الي في كلامه تغاشمك
وحذراك من فعل الردا يا حياوي
كانك ظلمت الناس فالناس تظلمك
العمر رحله والتجارب عزاوي
محد سوى طيب الفعايل يرممك
عند الشدد والضيق لو انك خلاوي
ان كنت ذيب الذيب ماهو تغانمك
وان كنت دونه عيشتك وش تساوي
يا نجم لو خريت وشهو تندمك
الطيحه ان جاتك فلاهيب تاوي
صغير عمر ولا بقصدي اعلمك
لكن ابيك تعيش شامخ سماوي
عشان لا نذل وصغيرٍ يساومك
على حياتك يا بعيد الهقاوي
سيوف عرضات الرخا هي تثلمك
دون المصقل عشت عمر الحداوي
اكفخ بصدر الغيم كفخك يعلمك
عيش الحباره غير عيش النداوي