لما سالتك قلتى افكر
ليه النبضة بقت تتأخر
ولا دا قلبك عقل بيحسب
إمتى حيكسب إمتى ح يخسر
لما سألتك عن أحلامك
قلتى مانمتش أنسى سؤالك
حتى نهارى كله مشاغل
أحلم صاحية؟.. شوف أوهامك
شمسك دايما ليه فى المغرب
يومى معاكى نهاره بيقصر
ولا دا قلبك عقل بيحسب
إمتى حيكسب. إمتى ح يخسر
لما سالتك انت معايا
ياللى غرامك هو منايا
شفت فى عينك شئ م الحيرة
خرجت منى حاجات جوايا
حسيت انك مركب ماشية
جوه البحر بتبعد اكتر
ولا دا قلبك عقل بيحسب
امتى حيكسب إمتى ح يخسر