لدواعي الزهق
مطلوب ورق
من نسختين
عارفين لفين؟
لفة زهق عبر الحياة!
يمكن ألاقي ف_ احضان الغرق
طوق للنجاه
يمكن معاه
نعرف حقيقة إننا
رغم الزهق وامور كتير.
فينا. إشتباه !!
طب مين يقوللي ع السبب من غير ظنون؟
مين اللي كسَّر عظمنا وسحل شبابنا وعمرنا و ليه نهون؟
تقدر تشاور ع السبب بثبات كدا !!
من غير إرتعاشة ف إصبعك ؟!
طب قوللي فين يوجعك...
ومين يسمعك، يحلف عليك إنك جبان،
هيقول عليك من غير ظنون
أهو دا اللي خان الحلم من لحظة سكون!
ودا اللي ضيع حلمنا وخلَّاه يهون
الله عليك وقت الزهق، بتهد نفسك نفسها
ومين قدها، قدرت تعاقب الف صوت بيقولها،
جوايا خوف...
ممكن نشوف اصل الورق، قبل الغرق
ممكن نشوف؟!
جوايا خوف
زلزل قيود
خلاني اشوف
جوايا خوف
حرك شراع الهجر من بعد الظروف
يا أمايا ليه كل الظروف دي ضدنا
مين هان عليه تكسير عظامنا وحلمنا
و ليه نهون؟!
يا امايا ليه فى الغربه مُر العيش عسل
جوا الشوارع فى البلد مزروع كسل
المُر زاد من قبل تذكرة الغياب
كم مره فينا بيتسرق من عمرنا
روح الشباب
حرفين عتاب على قدنا لحظة زهق
لم الورق من نسختين وفي لحظه قال
طب ليه نهون على نفسنا طب ليه نهون