على مدى التاريخ يا أعظم دعاته
شخصيتك صعب اتكرر وتنعاد
ياللي القمر والشمس من ذكرياته
وأمسن على اثره له حنين وتوجاد
ياللي العواصف تنكسر من ثباته
ويهجد المتهجدة بالتزلزال
ياذا الذي ما حد يسوي سواته
ما قايض الحرية بخبز الأوغاد
وثراك يامال الحيا واغثراته
وغصون ريحان وبارق ورعاد
يا جمرنا ما يوقضه من سباته
الا أنت وقتها ترى القلب وقاد
يا ذا الحبيب اللي ذبحني سكاته
تكفى إلى نادوا المحبين قم ناد
هو مثلك شجاع (ن) ما يحرك رفاته
الا النعت يا قرم يا سيد الأسياد
ينخاك من دار السجن أكفاته
وامغربلة سجني وسوط (ن) وجلاد
غمر(ن) على كفه امطرف حياته
قدهو على صكات الأيام معتاد
ابطى وشاف من العدو الشماتة
ومن صاحبه شاف التجلد والإبعاد
وان جاه ممن يعطي الوجه التفاته
فمجامله وآيه قليل التنقاد
عجلين زواره واللي هم ثقاته
مثل السحابة همها عجل الأنواد
ايشتته همه ويجمع شتاته
قو العزيمة والصبر والتجلاد
والعز يهل العز هذي طراته
صبر وتجلاد وشموخ وتمراد
متمرد(ن) على الزمان وطغاته
ومن لاتمرد والله ما يقضي مراد
ما عاد في جعبتك يالغيب هاته
بالخير نذكر ما مضى هات ما عاد
والموت والله نستسغ اشرغاته
لي عجعج البارود في الجو وانقاد
إلى اعتزى المنصور بأغلى خواته
وحوض المنايا بين صادر ووراد
لليل صبح(ن) يحمدونه سراته
ايهزع اطناب الغداري والأوتاد
ومن كثر العيلات يعطي شذاته
عوج المحازم يدرجونه وينصاد
مروا اسقام وانشدوا لي عضاته
هو عاد للأطلال ابلج الوجه فقاد
كل(ن) حول دنياه اعز أمنياته
للفرض نساي وللمال عباد
وآخير من مال(ن) تصايح رعاته
لاسد ماجوب(ن) ولا شيد أمجاد
حياة شفلوت(ن) على شخب شاته
وخوص(ن) تشب وما يسر من الزاد
وشيخ(ن) ماهو لي ضاق ينفض عباته
في وجه لو حتى ملك عز وعناد
فلاهو بشيخ وعد ذيك امهفاته
لو فرشه الديباج بقصور ارم عاد
الشيخ والله من ذبحني اسكاته
وقمت انعته يا قرم يا سيد الأسياد