ياصاحبي هذي نصيحه وانا اخيك
واسمع كلامي ياعسى الرب ياقاك
ماكل من يضحك بوجهك..يصافيك
وماكل من... كشّر بنابيّه عاداك
والصاحب الغاوي...يذلك ويغويك
والصاحب الوافي ينبهك ل اخطاك
الخوه الفسله...تبيّن ترديك
والخوه اللي كفو... ترفع مزاياك
وامك تطاوعها...ولا تعصي ابيك
اللي تعب لجلك... وعانا ورباك
اللي...سرى عتم الدروب المهاليك
كله على شانك... وتحقيق مُنياك
واخيك...لو يقسى عليك ويماريك
لا تشتمه وتصد...لو زاد حاكاك
خوفه عليك... من المخاليق تاذيك
لا شانت فعولك.. وذكرك وطرياك
وعيال عمك.. لو حكت في مباديك
ماهي تشك بوقفتك... يوم تنخاك
حذرى تتشمت به..على هذي وذيك
والا تعذرب طبعه... لكل من جاك
واحذر..تقصر في صلاتك ويعميك
ابليس..عن نورً غشا درب ممشاك
يخليك تتبع اثر مشيته... ويجيك
في كل دربً.. فيه ودك ومشهاك
اعمل... وكن الموت قد هو متلويك
وازهد... ولا تهتم..لامور دنياك
الحسنه افعلها... تراها تبديك
والسيئه ماهي... تعزك وتزهاك