لكزز ابيض مشى الخط الطويل
مايقاومم فزته غير الخبل
مشى راسي ويمكن يميل
كنه شيخ آلقوم منه عدل
ووقف وقفة شجاع م يحيل
يطرب الشعار ويزين الغزل
ووجهه الي مايلامسه الذليل
كنه وجه الذيب منه انفعل
والقزاز اسود من الفحم الكليل
كنه قلب العاصي الي مايمل
ونوره الي اشتغل في غدر ليل
كنه نور الشمس منه اشتعل
ثم له الطبلون يحسب ميل ميل
كنه رجال مكلف ب العمل
والكرآآسي لونها اللون الجميل
من لباس الملك ماهي من فتل
شوفته تشفي لي القلب العليل
شوفة الي عاشقه دونه زعل
هيبته ترسم رموز المستحيل
هيبة الي واقف براس الجبل
مشى تسمع لمن دونه صهيل
تشرد الفرسان عنه في عجل
صانعه لو هو على خير السبيل
امدحه بالشعر والقاف الجزل
في المعارض ماوجدنا له مثيل
اشتريته عاده اص مانزل
المواتر جنبه اجيدها رذيل
مثل فار وقف جنب الجمل
مانشوفه لو على متنه يشيل
كل ربعه ثم يطيحه الثقل
جهز العفش المرتب للرحيل
وماعليك ا تشدون الحبل
يمشي الميتين كنه فوق سيل
مايهزه حيود وعتل
مايسوقه من يسمونه بخيل
ومايسوقه رجل ماعنده عمل
ومايسوقه رجل مدخوله قليل
غير من ماله يوصله لزحل
للفخامه والرقي اسمه دليل
مثل ماللنحل مدلوله عسل
ومثل ماللطيب رجال اصيل
للصعايب لكزز يهد الجبل