فَلاَّحْ
وَأَرْضِي عَشْقِي
فَلاَّحْ
وَفْأَرْضِي رَزْقِي
فَلاَّحْ
نَرْوِي وْنَسْقِي
حُلْمْ وَحْقِيقَة وْأَمَالْ
مَفْطُورْ عَلَى حُبّْ بْلاَدِي
حُبّْ وَارْثُو مَنْ اجْدَادْي
حُبّْ تْرَابْ أَرْضِي أَبَدِي
هْوَا وْشَمْسْ وْعَمَلْ
مَلِّي أَرْضِي تْنَادِينِي
بْإذْنْ الله تْقُولْ حْيِينِي
حَرَثْنِي زْرَعْنِي وَرْوِينِي
بَدْرَاعْ مَا يَعْرَفْ كَلَلْ
خُضْرَة مَنْ خْضُورْةْ اعْمَاقِي
وَتْرَابْهَا كْحُولْ فَحْدَاقِي
وْمَا حَدّْ لَعْمَرْ فَالدُّنْيَا بَاقِي
نَخْدَمْهَا أَنَا وَوْلاَدِي مَزَالْ