يالح قلبي لح، هجنٍ مسرّح
حرايرٍ مافيهن اللي لحوحي
علي الذي صبحية العيد تذبح
العين خرساء والمبيسم ذبوحي
لوإن قولة أح تبري المجرّح
كثّرت من قول أح وأبريت روحي
لكن قولة أح مالي بها صح
زودٍ على مابي تزايد جروحي
امنولٍ يوم الحبيّب على صح
وهو يعاملني بهرج ومزوحي
وبهالسنة يوم الحبيّب تنزّح
لاقلت هرّج قال عجلٍ بأروحي
توي دريت إنه لفراقي يفرح
إثره يبي غيري وأنا أتعبت روحي
عليه قلبي صايرٍ مثل الأبطح
جوادلٍ بأقصى الضماير تلوحي