على بال انتظاري ما تعب حلمٍ جفاه النور
وقف والريح تعزف سالفتها فوق جنحانه
تسلط بالجفا واسرف يناجي حزني المستور
وانا واقف بريضان العشم والكبد ظميانه
يا كثري والندم طيرٍ يغرد فوق صمت السور
ويا طول الجفاف وفي يدي تتكسر اغصانه
قربت وشح هتان المسافه يروي المعسور
بعدت وللشتا جمرٍ يغني طيف خلانه
متى ما يرضي العذر اعترفت وقلت له معذور
لو عيون المشاريه اوقفتني عند بيبانه
غريب وما ينوّخ جرح ميلاده سنين الجور
تعتق بالهجير وما تقفى ..وجه ديّانه
نسى كونه كتبني في زحام الذاكره مكسور
وعدّاني فناجيل العتب واخترت هجرانه