ل وين امتدادي؟ رحت ساري دورب التيه
طريقٍ شريد بنفس الاحساس مريته
ب روح المكان اللي كتبت القصيده فيه
قصيده حكى عني وجعها ولا ابديته
جذبني لطيش الفكره احباط كيف انهيه؟
ونسّاني الصبح الندي حزن ما اخفيته
خطاي العتيق امهلني اتجاوزه واعطيه:
مسافه حرقها صمت بوحي بكبريته
وانا ما وقفت اطارد النور واسترجيه
توشحت ظلمى حزن بالي وشقيته
لموعد سحابه خانها بارقٍ .. تبكيه
مطرها بقيعان الندم طاح ما اوحيته
لو الليل طفّى شمعة المعذره بيديه
حطبت المصير لحزن وجهي وشبيته