قنا عنتر على كفه خفيفه
وتفعل بالعدا فعول(ن) مخيفه
يصبَّح من يصبَّح بالطلايع
ولا من غار غاراته عنيفه
تهابه عبس من قبلي خزاعه
كذاك الي به الغايه شريفه
وعنتر صار مسلم والقصايد
يوجها مع الملة الحنيفه
غزا بحِمْيَرْ على اوثان يعرب
وهزَ هُبل قبل ياكل رغيفه
حشد ابناء معد(ن) ويا عك(ن)
مع انمار(ن) على العزا وزيفه
رمى درعه (وكش شح) عن ضلوعه
وبانت لي نواياه النظيفه
على قلبه وشم سيف(ن) وكعبه
وعلم بالجبابر ضرب سيفه
خضع له قيصر(ن) من قبل كسرى
-وابو رغال انتفظ من خوف طيفه
عما الشوف البعيد ارتد خايب
كسير الجيش مقفي دون كيفه
خبطْه الليث بليوث الخلافه
وقام السيل يهدر من نزيفه
نزل عنتر على عنتر وصاروا
ظيوف وكل ظيف(ن)معه ظيفه
ابي حل الرساله في رساله
مع اقفاي الشتاء ماهو بصيفه
لك ابرقت الرسايل يالدليهي
عواصيف(ن) عراصيف(ن)صليفه
ومثلك يكشف اسرار القصايد
قنا عنتر على عنتر خفيفه