مشاعر الشوق فيني ما يصفها اللسان
لو اكتب البيت و البيتين و الا اكثري
ياهاجسي عادتك دايم تجيب السمان
شرّد بيوت القصيد الجاش فيها ثري
في شف حمدان طاب البال والشعر زان
لو المشاعر وشعري فيه متبعثري
يوم ابتسم لي وشفته هز وسط الكيان
هز المشاعر و انا رجلٍ قوي و جرّي
يا رب وانت الملاذ بكل ظرف و زمان
ادعيك تشفيه وتعافيه و تيسري
من لاذ بك جلّ شانك ما يضام ويُهان
تقدر على العافيه و العبد ما يقدري
لو كانت العافيه تنباع يا ابن الحصان
كان أصبح اول بشر للعافيه يشتري
و الله ما اذخر عشانك شئ كله عشان
محبتي لك وابوك اغليه و مقدري
انا اشهد ان المشاعر ما يصفها اللسان
لو اكتب البيت والبيتين و الا اكثري