ياسعد يا أخوك لاتبحث خفاي
ساقني حظي على الوجه الغبر
ليتني طعتك يوم انك جبت راي
كان ما عيني متعبها السهر
البلا والمشكله منهم وراي
نكدوا قلبٍ من الهم انفطر
ياسعد ياخوك وين القى دواي
مبتلى و ارجي من الله الصبر
ان حكيت وقلت فرحوا بي عداي
و ان سكّت القلب ميت من قهر
يا كبر بلواي يا ما اكبر بلاي
مرتفع ضغطي و صايبني كدر
ياسعد ياخوك شف خارت قواي
ضايق ومنكود في قلبي كسر
عزتي لي صدق مكسور ً عصاي
و العصا المكسور ما يفيده جبر