تبغى الصراحة والصراحة محاكيك
يحسب عدد يا سابح الفكر طايل
لا تختلف يا هاجسي بك مساعيك
ما اضني اهنا دامني معك اخايل
اسرح صباحك وايضا اسري مساريك
من راحتي ومغازل النوم جافل
ما يستريح اللي سمع صوت داعيك
لو يكتب أيام العمر وانت عاجل
لاجيت اشد عنانك وجيت ابرخيك
يا خيل ما هملته ابلا معاقل
ابدي حسابي قبل اجيبك وواوديك
واعرف مواضع حافرك والمداخل
مع السلامة ليتني دوم أخاويك
مالي يزود ويصبح النقص كامل
يكفيك يا نفسي عن اللي يعاديك
إن التجني والحسد شر خاذل
البيت لو يبني عموده قوافيك
يهدم على ساس اللذي به يجادل
مدام اني عن خانق الضيق اسليك
يا مهجتي وان قالو الناس جاهل
جاهل يبيع اللي يبيعك ويشريك
يغني وصاله عن وصل كل سافل
يا درب لاخر سكتك لازم امشيك
حافي ولالي عقب مااحفيت ناعل
تسمع قنيب بعالي الصوت يدعيك
ماهو سفيه ويلبس ثياب عاقل
دكتور ينفع واشتكي منك وأشكيك
واشرح لك اللي بالهواجيس حاصل
حبيبتي منها عسى الله ينجيك
لك رمحها لو ينغرس فيك قاتل
ناديتها يا جعلني من فداويك
من صبرك اللي لآخر الحد واصل
واثنيتها ما بين معك اسرح وفيك
سببت لي يا زين لين المفاصل
مع مسرحك لاجيت اردد مغانيك
مال الفرح يا مسرح الحزن فاصل
ماكن من حولك ولا من حواليك
حافز ولا دافع على الود حامل
وأسلوبك الكايد عفس من يخاويك
ويهدده بسلاح تدمير شامل
لاقلت لك وش فيك ياعين مغليك
ما ينفع أسلوب الدلع معك فاشل
وان قلت مالي فيك من علتي فيك
دام الزعل والهجر تحصيل حاصل
ليش احتمل لعيونك أجمل أمانيك
مادام عندك كهرب المخ فاصل