انا ما لعب بي غيرك ِ وصرت اهيم بوجد
وجودي وجود اللي يبي شئ ما يلقاه
عليك انت ياللي من جمالك يغار الورد
بك الزين كله و الحلا و الغنج و الآاه
تراني فقدتك فقد و الله فقدتك فقد
وجودي على شوفتك و ازيد يا وجداه
لعب بي غرامك لعنبو جد حبك جد
تراك انت طب القلب وانته بعد بلواه
ومنك العذارى صابهن من غلاتك حقد
علشان شعري فيك زينت لي مبداه
تغزلت بك والناس قالوا ترى في حد
و انا اقول زينك ما له حدود لا و الله
حباك الله بحلو الوصايف و حلو الخد
وعذبت قلبي لين بيّح بسر اخفاه
ذبحني غرامك ياغرامي و زاد البعد
ترى غيبتك عني عذاب ٍ وانا ما اقواه
ذبحني جمالك خص لامن لبست العقد
تزيد الذهب زينه على منحرك ما احلااه
احبك قسم بالله حبك هجدني هجد
دخيلك فديت عيونك السود لا تمحاه
ممدوح_العفري