ياليل جيتك معي كل التفاصيل

ياليل جيتك معي كل التفاصيل

غريب.. في واقعٍ كله غرابه

ضاقت علي الوساع وقلت ياليل

عساني ألقى بصدرك لي رحابه

كم كنت انا حالمٍ كم كنت انا اخيل..

برق الفرح.. وأحلم تزول الكآبه

اثر الاماني سراب.. اثر المحاصيل..

أرضٍ محل ضاقت برجوى سحابه

غربة عنا.. دروب مافيها تساهيل

دروب شتّى.. بحيرتها تشابه

ماعادت دروب سعْد ولا مواصيل

غير الحزن كل شي أعلن غيابه

يوم الضيا شع في روس القناديل

سوالف اصحاب.. ترنيمة ربابه

واليوم يادورب.. كني بالمقابيل

سؤال مرٍ.. جرح جوف الاجابه

وحيد انا.. والمدى هم وغرابيل

غريب مرغم.. ولو طال اغترابه

وياليل بروح شفني مجهد الحيل

وانا ادري انك بترمقني بغرابه