يا هيه إحساسك وصلني ويفداك
عمر الحزن والجرح وموادع الخيّ
مشتاق لك واشتاق أنا يوم لاماك
والله حسيب امبعد الحيّ عن حيّ
غربة جسد يا هيه والروح ويّاك
أقرب من ثيابي على ملامس ايديّ
وصلك غنيمة شاعرك حيل وأهواك
من دونك الدنيا بعيني ولا شيّ
أكبر همومي يالغلا عندي رضاك
دنياي تشرق كلها ضي في ضيّ
حلفتني م أنساك وأقسمت م أنساك
إلا الممات أيحول ما بينك وبيّ
والله ثم والله والله م أنساك
بعدك هجير وبس في قربك الفيّ
تاخذني الذكرى معك لحظة ألقاك
واحس ظلي من الوله طاف رجليّ
أحياك وموتك وأرجع أموت واحياك
وكل الغلا والله ترى بحقك شويّ
أصلاً خفوقي ما نبض حب لولاك
عروق قلبي ضاميه وذكرك الريّ
من عقب هذا اليوم جازيتني جفاك
وارخصتني يا للأسف وي يا ويّ
عز الله غيابك كسرني ولا جاك
ياللي رحلتي شاعرك ماهوب بسيّ
ما بالبشر غيرك حبيبي وإلاك
يا للأسف تطوي الغلا يالغلا طيّ
هذا وإحساسك وصلني ويفداك
ما فات لو ما مات جرحك هنا نيّ
والحي ميّت لو معه عقل وأدراك
من يوم رحتي ما رجع قلبه الحيّ