يا طواري الشوق واشراق الصباح ويا نسيمه
يا رفيقة شاعرٍ لا قام عز الله مقامه
لو جروحك في ظلوعي بانت وباقي مقيمه
دامها تنزف محبه ما نلحقها ندامه
من يقول ان السلامه راس مال ( ورش ) ديمه
ما عرف معنى المحبه من يدور ل السلامه
يا رفيقة عمري وروحي ويا القلب وصميمه
ماغرق في بحرك وموجه ومده وارتطامه :
غير رجلٍ شاف في قربك سعادته ونعيمه
ما توانى في معارك شوقه ولانت عظامه
ورغم ظلم الوقت ما مالت عزومه للهزيمه
كل ما مال الزمّن عدل ميوله ل أستقامه
وفي رضا خاطرك ما شح وحسب لأيات قيمه
صادم الوقت العنيد وزاد عزمه واصطِدامه
والله ان شوفك يبدد ظلمة الليل وعتيمه
من بدا له نور وجهك ما خشى الليل وظلامه
ضحكتك مثل المطر لاهل من مخزون غيمه
وجهك الفتان ما لايق عليه الا ( إبتسامه )
تورق رياض الصدر منها بعد كانت هشيمه
كنها قفرٍ لها مده تحت وبل الغمامه
لو اقول انك حبيب الروح والفرقى جسيمه
دايم عيون المولع تنطق ابلغ من كلامه
يا عظيمه كل نبضة قلب فيني يا عظيمه
رهن سلهام العيون وسهم رمش وزين شامه