ياخوك لا ضاقت عليك الوسيعه
لا تشتكي للناس ياخوك ياخوك
منهو يبيعك طال عمرك نبيعه
شاريك انا لو كل هالناس باعوك
طبع الوفا والطيب فيني طبيعه
في حب ربعي ترخص شيوخ وملوك
لا تستمع رأي العقول الصديعه
اللي عن علوم الرياجيل حدوك
لو الزمان ما طاع لازم تطيعه
دنيه رديه كبرت كل صعلوك
صون الامانه واحتفظ بالوديعه
واضحك مع العالم وصدق مافالبوك
طبق شروط الدين ويا الشريعه
وحافظ على الخمسه وتبشر ومبروك