القلب يشكي من همومن كثيره
والنار شبت في ضلوعي حرايق
يالله عسى فالامر خيراً وخيره
يالله ترى بالحيل ماني بطايق
راح الحبيب اللي مضيع مسيره
وانا انتظر شوفه واحسب الدقايق
طال المغيب وشب فالقلب نيره
علق سهومه وسط قلبي علايق
البال ضايق والدعاوي خطيره
والقلب ساقه من عنى الحب سايق
والا المصيبه باليدين القصيره
اهل النفوس الخايبه والنفايق
سيرة نفاق وكذب ماهي بسيره
صار الغدر والكذب طبع الخلايق
يالله تستر والكسر له جبيره
عندي على قولي دليل ووثايق
صار الرفيق اتخاف ماتستشيره
كلن عليه هموم والبال ضايق
وصارالعشير يغش حتى عشيره
كلن من هموم الزمن صار ذايق
وانا مع العالم وعايش بحيره
ان قلت رايق كذب ماني برايق
الوقت قالو كالسيوف الشطيره
وفي وقتنا محدن يجيب الحقايق
يالله ياللي عالمن بالسريره
تطفي بقلبي حمر جمر الحرايق