لو ماكسبت الطيب فاول زمانك
منته بكاسب طيب لاصرت شايب
محدن يبا يتعب ويشقى عشانك
كلن ورا دنياه صايب وخايب
لو صاحبك صابك وغشك وخانك
لا تنصدم دنياك هذي عجايب
اللي يقودك للمصايب لسانك
احفظ لسانك ماتجيك المصايب
محدن يجي بيتك وياصل مكانك
الا اذا وقت النصب والنهايب
ما كل مخلوقن تحطه وزانك
بعض العرب حاضر ولكن غايب
ارفع عن الخبلان قدرك وشانك
وابعد عن الغلطه ولا انته بعايب
محدن يبا ينفعك حتى خوانك
يمناك تمشي بك دروب الصعايب
دنياك ماتضمن لك انته امانك
الله يعين اللي بدنياه سايب
هذي نصيحه واخذها في زمانك
ان ماتبعت الطيب منته بطايب