ما كني مسافر من ديار لديار
كني بنفس الدار و اكثر سعاده
ماهو صحيح ان قيل ما بيننا اسفار
كل ٍ مع الثاني غدا في بلاده
وان راد تفريق الشمل نهج غدار
بيموت ما يقدر يحقق مراده
دام بقيادتنا طويلين الاعمار
محد ٍ بنا محاتي أمور القياده
ما بين مغوار ٍ وما بين مغوار
متشابهين بأسمهم و الرياده
مجهودهم لاعمار الاوطان جبار
نفس النهج نفس الفكر و الركاده
ما بينهم ويا الشعب أيه اسوار
كل ٍ فتح قبل المجالس فؤاده
هذا أبوسلمان أمجاده كثار
وصل المعالي للملك صار عاده
المملكه بيده غدت تلفت انظار
كل الشعوب و صانها باجتهاده
و هذا بومشعل هالشهم فذ الافكار
بيده قطر صارت تنال الإشاده
خلا قطر ماهي مثل كل الاقطار
صان الوطن يومه رقى باقتصاده
(حمد،حمد) ما ظن توفيهم اشعار
مهما كتبنا بالقصايد زياده
و هذا الجسر هاللي قرب عنه الاشهار
على تلاحمنا هو اعظم شهاده
و قطر مع البحرين لو صار ما صار
أهل و رفايق فالكدر و السعاده