عسى لس ميفارق دياره حقوق الديم
على كل عشر أيام يسقيه هتانه
خلال الربيع ويكثر الخير به ويقيم
على قرب من ذاك الجبل يسقي أوطانه
حقوق مطرها ضافيا في ثقيل الغيم
تساقيه لين الورد يزهر بقيعانه
وياعل ارضه تفجر عيونٍ كما تسنيم
تسر القلوب وتسقي اكبود عطشانه
على شان من يشبه بوصفه غزا الريم
ابوقذلة من طيب المسك ريانه
ترانا بعد فقده على جونا تعتيم
علينا الفضاء عن واسعه صك بيبانه
لك الله كم همنا بغلاهم وكم انهيم
نزور الديار الي نزلها على شانه
ديار عشقها عاشق الطير والتخييم
وكم واحد مثلي تولع بشيهانه
ترا من تعود بالوفا مايبي تعليم
على فطرته من مالك الملك سبحانه