انتظرتك وسط صالات الأماني
بين كل هذي الدقايق والثواني
انتظرتك وادري ما يفيد انتظاري
طارت الرحله وانا جالس مكاني
جيت ابحكي وراح صوتي يا دقايق
شكلها العبره وجت غصة ب لساني
جيت اودع في مطار الشوق حرفك
ضاع حرفك بعد ما شوقك لقاني
شفني الضايع وسط صالات قلبي
التفت والمحك، يطلع شخص ثاني
كل شي حولي يقول انت حقيقه
حاضر وغايب وانا شاهد يعاني
ليه عطرك خلّد الذكرى الحزينه
يسقي اوراقي ولا هو اللي سقاني
ليه عطرك سافر لذيك المدينه
هو نسى انه باقي بكل المباني؟
راح شطرك وانتهت كل القصيده
يا عسى يرجع لي الحان واغاني