يجيبك الليل وتوقف على بابي
ضيفٍ كثر جيته تفرح معازيبه
قعدت اخيل السراب وحنت ركابي
والقاع ركب على الرمضا ملاهيبه
قلبي سجينٍ وقع في قبضة إرهابي
من سوء حظه على دينه يصلي به
حطيته رسالتي ثم كثرو احبابي
لا شفت زوله ولا جتني مناديبه
تهرف دموعي عليه وتبرد اعصابي
ما برهجت كبدي الضامي مشاريبه
طرحت عمدان بيتي ب اصغر اطنابي
لين الهوى من حباله قام يومي به
طيري غدا ما يرده غير مرقابي
حتى لو اهل الهدد كلن ركب جيبه
والف عنود المها كله على حسابي
والبل غلاها يصبح به ويمسي به
وش حيلتي من سفرك وكثرة اتعابي
ليت المواعيد بالصدفه تجيني به
جرحي على حطة ايدك لا تبلابي
عوّد ورمح الجفيا لا تماريبه
سم الجريح الشمم لا صار منصابي
لا مر لفح الهوى عطرك وجاني به