جيت أترجملك شعوري يا بعد كل الأنام
لين ما انثالت حروفي نزفها وجد وحنين
القوافي تنحني لك من وفا وزود احترام
كل صبح وكل ليل وكل وقت وكل حين
يا بدايات المحبة وإيه يا مسك الختام
كل ما تشرق عيونك يبتدي الصبح وتزين
كل هالدنيا وعشانك بس اطيرلك حمام
أشرقي وبا انفاسك انتي يا غلايا أوكسجين
ويا نهايات الفراق ومرهم جروح وسلام
صادق إحساسي وبوحي وكل قاسي لك يلين
قبل أعرفك كنت عايش منهك وكلي حُطام
لا قريب ولا محب ولا صديق ولا عوين
أنتي اللي احتوتني وأوقفت لي لا حرام
أنتي الروح وجسدها نبض قلبي والوتين
ويشهد الله ما عطيتك حق قدرك والمقام
لنك اكبر من قصيدة خطها شاعر حزين
عانقي كفوف السحاب وامطري مثل الرهام
شاعرك يا ريم يحرم ماهو لغيرك رهين
جيت أترجملك شعوري يا بعد كل الأنام
لين ما انثالت حروفي ريم يا دنيا ودين