اشرب من النيل وافتكر طعمه الزلال
علشان ما تقدر توصفه يوم للعيال
لو جُم في مرّة لجدهم لعبوا معاه
وقالوله احكي ياجدنا شيئ م الخيال
امسك دموعك وابتدي.. صلوا عليه
كان فيه زمان في أرضنا شريان جمال
أجدادنا كانوا بيعبدوه من.. حبهم
ويقدموله ف كل عام عربون وصال
أحلى عروسة في البنات متزوقة
علشان يوافيهم بخيره بالكمال
لو كان يفيض الخير يزيد وان يوم غضب
العيشة تبقى في البلد فوق الاحتمال
لكن بقى.. دار الزمان.. واهو جه زمان
بقى زي بطحة في الدماغ سايبة مجال