يا صباح الخير
يا صباح النور
ع الجلابية وعلي الأفرول..
يا صباح الفل
يا ست الكل
يا سهرانة
قدام الفرن
تسوّي عشان الكل فطور
يا صباح الورد
دي فاس طالعة
ودي فاس نازلة
بتشق الأرض
تقسّمها فدادين وجسور
يا صباح الخير
ع الشغالة
والرجالة
ع السقالة
سهرانة عشان المكنة تدور
يا صباح الحُب
يادي العمال
يا زنود سمرا
وعرق سيال
علشان الخير يمليَ لنا الدور
يا صباح نادي
عليك يا بلادي
م الناحية دي
والناحية دي
ليلك شعشع بطاقات النور
يا صباح يا صباح
طل علينا
لما تجينا..
راح تلاقينا..
ضّيك ف إيدينا علم منشور..
يا صباح يا صباح
احنا العمال
يا صباح يا صباح
احنا الفلاح
احنا العمال احنا الفلاح
خطاوينا تاريخ وكتاب مسطور
يا صباح النور