وصلت انا بي ل مرحله اني اجتاز
العالم اللي من ورى الباب مجهول
شفني مع الدرفه على شكل برواز
وجه ٍ تمره ب السنه عشرة فصول
كم لي وانا أستر دمعة الجوع لا (أعتاز
قوته) وأنا اللي ما ستر جوعي همول
مشلول من فقري والاحلام عكاز
وياكم على الدنيا من الفقر مشلول
والمسأله: ماهي فقر لا ولا أعجاز
ولاهي ب لا معقول من شي معقول
المسأله:( مريول الاوجاع لا باز
من وين اجيب ل قد الاوجاع مريول)
فواز تكفى بس لا قلت فواز
تعال ب علّمْك وش تعني: (أحول)
تدري وش أعظم حاجه ب عين معتاز
(انه يصير ل عين حاجته مذلول)