من ترك داره
قل مقداره
انشهد من ترك داره لزوم يقلّ مقداره
لزوم يشوف ويتالّم ويعيش الحزن فاوطانه
وانشهد من شعل ناره وودّه يضوي زواره
لزوم تصادفه عوجى تطفي لاهب .اشجانه
وانشهد من هدى قلبه وقدّم ارضه واسواره
لزوم يعانده حضّه ويرخَص قدره .وشانه
وانشهد من حطب صدره واشعل في الحشى ناره
لزوم يوَاجه ابكلمه تقيد النار وبركانه
وانشهد من رجى بسمه وضحكه وفلّة .اِسراره
لزومٍ تمطره غيمه تغرق نبته شفقانه
وانشهد من رخص دمعه وعلاّ في الخفى .داره
لزوم يِبَاشر ابلذعه تهد المبنى باركانه
وانشهد من عنى ودّه يدفن في الثرى اسْرَاره
لزومٍ يلقى من يبحك بنيّه ماهي صفيانه
وانشهد من رجى لحظه يعيش السعد باطواره
لزوم يصادفه منهُ يذبح رغبه ولهانه
وانشهد هاالزمن يمضي ولزوم نعايش اقداره
لزوم نعايشه ونمضي وننسى الحب .وطوفانه
وانشهد من بغى ينسى ياكود ابموت واطماره
ياكود ابموت متحقق وعساه يتناسى احزانه
وانشهد من ترك داره لزوم يقلّ مقداره
لزوم يشوف ويتالم ويعيش الحزن باوطانه