يمّه دعيت لنفسي اليوم بالموت
يمه ولا اشوفك حزينة وتشكين
يمّه ولايمضي عمري معك فوت
تذرف دموع العين منك وتبكين
يمّه وانا رافع(ن) باسمك الصوت
ياليتني أعطيك من عمري سنين
يمّه قليبي ماركد صار مكبوت
لآجل عيونك أذبحه بحد سكين
يمّه آنا راجي(ن)خالق الحوت
يرحمك ويخليك ياآم اليتيمين
يمّه لاتحسبين إني عشت مبخوت
كل البخت لاشفت ضحك الشفاتين
يمّه مايهنالي عيش(ن)ولاقوت
ودي على أقدامك دايم توطين