لاتحسبني يوم صديت ناسيك
يلي بقلبي ماتغير مكانك
ابقا وفي مخلص واقدرك وارضيك
واطلب من الله مايحرمني حنانك
أشيل همك واعتني بك واداريك
واشتاق لك اكثر بعد من اخوانك
من زود شوقي ودي أصرخ وناديك
من لهفتي ابي ارتمي في أحظانك
مثل الصغير يوم تحضنه اياديك
يأمن على مستقبله في أمانك
فاقد حنان وكل محتاج له فيك
سبحان من صور جمالك وصانك
الله سبحانه من الحسن معطيك
روعة جمالك روضة ٍ من أجنانك
شفه يشاهد روضة الحسن مغليك
خله يمتع ناظره من أحسانك
بمشاهدك وان كانه الشوف ياذيك
لاعاش من كدر حياتك وهانك