كالو ابغداد هزة وما دريت
بالي مشدوه ابجميل أوصافه
اهتزت أركاني علي اني ودويت
ما دريت الهزة من اجتافه
كسر كاروك الكلب طفل وبجيت
ما سكاني الماي من اشفافه
آه يا عين المها شايللي غيظ
يا حلاة الزعل عون الشافه
هم مثل خزرج يجي يوم وتهل
مو بعيدة الاوس خل نتصافه
آه يا شذر المصفى اشكد حرام
عمت عين المايلمة وعافة
واني كرخي وبالهوى طبع الحمام
لازم ايبات بحضن رصّافة
والله يا خصرك نحيل وخيزران
أنت جتال الهوى وتلافة
وانت يا فنجان كهوه ومشتهيك
ما قريته امحير العرافة
هله يالكلك حلو وريحة ربيع
ومن شذاك الجرح بلسم رافة
زعل جوري وجككيته بياسمين
حلو من ينزف عطر باطرافه