من غبت عن عيني وقلبي ماعطا غيرك قبول
وشلون لو عادك معي، ولا خسرتك من يدي
انا عترف مني الخطا، وآعيد وآكرر وأقول
ضميت من بعدك وصار الدرب لجلك جرهدي
ماكنه الا فِي اقدمي، اغلال واثقال وحجول
سعيت لجلك بعتذر يااااليييين مليت اجسدي
فقدت انا البسمه ونظراتك مع الرمش الخجول
فقدت عطفك والغلا، تعبت وياكثر اجهدي
صرت اجمع الهقوات واقول البطا يوم بيزول
عل وعسى يارب لطفك مرتجي مِنْكْ الهدي
هذا شهر عدى بعيني، كن بالحسبان حول
مريت بفصول السنه، للحين ماشفت ابردي
لك حق مني والعذر احيان، ماكان الحلول
وش عاد باقي في يدي ماغير هالحظ الردي
انا عترف مني الخطا، وآعيد وآكرر وأقول
ضميت من بعدك وعاد الدرب لجلك جرهدي