بس الدموع مابيستخبوش
والعيون عمرها مافارقت وشوش
والالم مهما زاد واتكتم
او طفح كيله واتعلن
فرقه بسيط
اش حال من بات مظلوم
موجوع علي حاله
والحس معدوم
بركان غالي
وايه لما يثور
الصم مالي ودان
والضلمه ست النور
السهد ف بلادنا حلال
والحال يدوب مستور
والحق عالي هناك
محاوطه الفين سور
يامين يقول ويعيد
ياميت فانوس مسحور
يعيد شباب الشيب
يدوي الحس المنحور
وتزهر المحاصيل
تقوم الاراضي البور
دا الصبر هيبه ودهب
والجنه للصابرين
قالوا وقال المثل
انه مفتاح الفرج
انه عيش المسكين
وانا داقق ببان الصبر
والصبر باله طويل
امتي يجي الندي
امتي يفوت الليل
وبين النهار والمسا
فرق الشروق والميل
والخوف قطع حشا
باع النضار لليل
مسح دموع الاسي
عشان يبكي اصيل
غابت شمس الوفا
والناس بقت تماثيل
قلب العباد حجر
وانا قلبي يوماتي يلين
باكي علي دا ودا
علي رمُه المساكين
بس بين الدموع والشقي حبه
والحبه فرقها بسيط
ويا الشروق اصحي
وانام ويا الشروق
الضي مالي الدنا
والدم مالي عروق
والظلم باع واشتري
والنفس بقيت سوق
والشهد علقم بقي
شبابي قمح محروق
ياما كتاب وكتاب
بانوا من العناوين
ياما مراسيل غرام
راحت لناس تانيين
وياما تدوق الامات
وانت من المظاليم
دا ميت كتاب منزل
والف دين ودين
وربك عالي ف سماه
والعبد لسه لئيم
عمال يبيع ف الناس
والبيع بالتقسيط
طمع ولا يوم شبع
نسي ان فرقها بسيط