اللي اكتشف أمريكا قال عنها اكتشاف
واللي اكتشف راس الرجا
سجل لنفسه الاكتشاف
مع انهم كانو موجودين.. من غير خلاف
وانا قلبي من حقه يقول... من غير خجل من غير ذهول
إن انت يا أجمل عيون... أحلى اكتشاف، ما فهاش خلاف
أنا جيت هنا للقاهرة... جواهرجي محتاج جوهرة
مش أي حاجة وأي شيء.. لالا.. عاوزها مبهرة
لفيت كتير وكتير اوي... وتعبت ياما كتير اوي
ولقيت عيونك في الطريق... ولقيتني بصرخ يا قوي
يا ناس أنا اللي وجدتها... من حقي افوز بالاكتشاف
وانا قلبي من حقه يقول... من غير خجل من غير ذهول
إن انت يا أجمل عيون... أحلى اكتشاف، ما فهاش خلاف
يا كنوز قارون واتجمّعت... في عيون حبيبتي أبدعت
حظي أنا سعد وهنا... لما في قلبي شعشعت
مكتوب لي في كتاب الأزل... إني أعيش عندي أمل
وانك تكوني قسمتي... ما فيهاش هروب ولا فيها حل
يا ناس أنا اللي وجدتها... من حقي افوز بالاكتشاف
وانا قلبي من حقه يقول... من غير خجل من غير ذهول
إن انت يا أجمل عيون... أحلى اكتشاف، ما فهاش خلاف