قال ابن مهذل خاطره فيه هوجاس
ما جاه علمن من وطنا يشوقه
مابه جموعن توها يضرب الطاس
ولا غلامن بيرق العز فوقه
بعض الرخوم يزوم نفسه على الناس
والناس والله مادروا وين سوقه
ما كنه الا شايلن رمح جساس
والا عمامة سالم الزير فوقه
اذا توطاه العدو قال لاباس
وعلى بني عمه تحنب عروقه
قليل الأصل لراية العز نكاس
والعبد لي خاواه عمه يبوقه
اللي دخيلن في العرب قال أانا الساس
في حكم اخو نوره خيوله سبوقه
ما يدري انا في الرجاجيل بخاس
ومن جا يبى يرقى علينا نعوقه
معقبين بالنقا كل بلاس
قدهي مخلاتن من أول طروقه
نحوس وضع عدونا لين ينحاس
ونطبق السبع السماوات فوقه
اذا فعلنا فعلنا يرفع الراس
وإذا هرجنا هرجنا من عذوقه
نطول وارياق المناعير يباس
يوم ان ولد اللاش توخذ حقوقه
تاريخنا للناس منبر ونبراس
والبيرق الخفاق معنا نسوقه
بر قه سلبنا لي ركبنا بالأفراس
مثل السحاب اللي تلامع بروقه
والختم صلوا عد ماهب نسناس
على النبي راعي النوايا الصدوقه