عامها الأول قضي حمل ولادة
حملت عقب النجاح من القراده
المواطن ما لقي منها استفادة
من سببها يصفق الكف ويهيب
وعامها الثاني إجازة للأمومة
ما معها وقت والورعان كومه
العضو يرتاح وترتاح الحكومة
عام ما تسمع لها سين وجيم
وعامها الثالث قضي كله سواد
مات أبو العيال ودشت بالحداد
وش تسوي أمر من رب العباد
عظم الله اجرها والله كريم
وعامها الرابع تب تدور رجل
يوم هال مرحوم وفاه الأجل
توها صغيره وهو مات بعجل
يوم عنها مات عاشت في جحيم