الخطيه يوم ترسل علينا من سفيه
نرفع أنفسنا عن المخطيه واصحابها
نترك الزله على شان بيضان الوجيه
ولازم الشرهه تعوّد على من جابها
والردي طبعه كذا ماحدٍ يشره عليه
كاسب الشرهات ماهويحسب حسابها
يحسب أن مامثله في البشر تبّت يديه
ماتستره الهمايل وسود ثيابها
غرّه الترفيع من شلةٍ له ميّديه
وفلّت لسانه بشين الحكي وكذابها
خابرينه زين وموثّق اللى فيه فيه
والرجال نعرف من روسها واذنابها
ماربح من فالمواجيب يومٍ ينتخيه
يندرق مثل الغضيه ورى جلبابها