ارتباك وضياع واسئله موغله
ارتفاعٍ يؤدي للسقوط الاخير
التفاصيل كانت للأسف مذهله
والمعاني توصلّنا لنفس المصير
الأنوثه لها تفسير صعب اجهله
فيه ريح الخزام وفيه ريح العبير
كان بامكانها قلبي كذا تدخله
وبعد ما تدخله اصبح لديها أسير
بس كان الغرور وكانت المشكله
والغرور ان تمكن صار أمرٍ خطير
يا ضياع الاماني يا ضياع الوله
علموّها تراني بأي لحظه اطير
كل كوكب بهذا الكون سهل اوصله
وكل كوكب الاقي فيه بدرٍ منير
من طلبني حناني مستحيل اخذله
دام جسمي يشيل اليوم قلبٍ كبير
والقصايد معانيها لها تكمله
ما تركت النهر منشان رشفة غدير
لي وجودي ولي اسمٍ كبير احمله
ما يضيع ببساطه باستقالة وزير
اعرف الشعر دايم اصعبه اسهله
وخذت جزل الفرزدق مع عذوبة جرير
بس قولوا لها لاتكمل المهزله
كل شيٍ تبيه اليوم لازم يصير
ارتباك وضياع واسئله موغله
وارتفاعٍ يؤدي للسقوط الاخير