الا يالله تسعدها وتبعدها عن الحساد
وجاز اللي يكايدها وردّ الكيد في نحره
هذيك اغلى من الالماس والياقوت والريناد
هذيك اللي عليها القلب ذاب ومات من قهره
قسم باللي رفع سبعه وسوّاها بدون عماد
وروحي كانها تكذب عساها تموت منتحْره
احبك كثر ماشفت المحبه في الحشا تزداد
واحبك كثر مابالأرض من ذرّات منتشْره
ي روحي ويانظر عيني ي كل الحب والميلاد
انا من جيت بالدنيا وقلبي يحب من صغره
انا اللي عاش من صغره وهو مايعرف المقعاد
تعبت اطرد سراب العشق وقلبي مانفذ صبره
الا ليت الزمن يرجع وليت اللي مضى ينعاد
ولا افكّر بمن يقفي ولا تتعبني النظره
يثور الحرف في صدري وتلفيني الجروح جداد
واداريها وسط صدري لاهي مرّه ولا مرّه
عشان ارضيها والله لو ذبحني الدمع والتنهاد
ابرحل عنها من ديره لديره وامسح الجرّه
واقول الله يسعدها ويبعدها عن الحساد
تنام الليل ماتسهر على شاني ولا مرّه