ياليلةٍ ماهي مثل كل ليله
فيهاتداعت جن عبقر عليه
واقبل علي الشيخ وعرفت خيله
خيل على هالكون ماشفت زيه
قال انت ياشاعرمن أية قبيله
قلت الجنوب وديرتي غامديه
رحب وسهل والحكايه طويله
لو قلتها تشره علي البريه
مثل البحروش غزرته من قليله
يخلف عقول كلها عبقريه
الحمل ماكل الخلايق تشيله
وماكل حمراءفي البنات اجنبيه
وماكل خيل تقول عنهاأصيله
بعض الخيول الله يعزك بليه
قال احبسوه ولاتفكوا سبيله
الين نعرف قصته والقضيه
قلت انت جني ومامعي فيك حيله
صحراءالنفوذبناظرك مرتويه
والشاعراللي يحتوي كل ميله
ماهوب مثل اللي يجي عنجهيه
والذيب مايطردورى اللي هزيله
مايخطف إلاالنايفه والعصيه
والخيل تعرف قوته من صهيله
والشورلاهل الراي مثل الوصيه
واللي يتكلم بالقفا قص ذيله
لوهو بقرشه يملك الفيصليه
بعض الرجال يموت عنده دخيله
ماشاف منه إلا التعب والأذيه
والبعض يفهم قبل لاتشتكي له
يبيع روحه لجل يرضي خويه
والبعض شيخ ودوم قلبه دليله
جنيته تشرب من انياب حيه
لاتنشدوني عادمن تنتمي له
اناالغريب اللي يحب ابدويه
أمسى بوادي مابعدجف سيله
أمسى يقول الشعرمن صدق نيه
واصبح يشوف بوسط عينه فتيله
تشعل بعينه كل صبح وعشيه
ذاق الشعرمن شيخةالجن هيله
من حرصهاسوت على الراس فيه
صارت معي صارت لقلبي حليله
في بحرهاكم ذقت طعم المنيه
ماغيراهوجس بالقوافي الثقيله
ومن حب شعرالجن ماهوخطيه
هذي خذتني بالعيون الكحيله
والروح في هيله غدت منتهيه
من طحت في ذيك الرموش الظليله
ماغيراهوجس كل روحه وجيه
لعيونهانظمت شعري واخيله
هتان يروي كل صحراءلظيه
عودوقال الشيخ شوفوا عميله
بس التفتت إلا وهي بين ايديه
اللي خذت كل الخصال الجميله
مثل القمرلاوالله احلى شويه