تشبه الغيم؟ لا والله لأنه شحوح
وانت ماطرك متواصل وطعمه قراح
تشبه الصبح؟ لاوالله لأنك صبوح
طول وقتك وهو ساعات ونقول راح
تشبه الورد؟ لاوالله لأنك تفوح
كان هبت رياح وكان ماتت رياح
أنت ما يشبهك في هالزمن غير روح
شطر ما تم في دفتر سعاد الصباح
فيك سر الغموض وفيك سحر الوضوح
مثل كلمة غضب هبت وشافت سماح
تبتسم لي واقول ان الليالي تبوح
بالسعاده واحس براحةٍ وانشراح
تعقد حجاج عينك واعرف انك ذبوح
بس اداريك خوف تزيد قلبي جراح
هات كفك نبي نمشي بعيد ونروح
الليالي بقربك كل ابوهن ملاح