صباح الخير يا قمر
يا جميلة الصوت والصورة
والقد الجميل
والعيون اللي بيقتل سحرها
مليون قتيل
والخدود اللي بلون الورد
لما أمْسِكُه
بحس إني بارتوي
بعطره الأصيل
مساء الخير يا قمر
تسهر عيوني في الليالي
وانتظر
طلة قمر نغمة وتر وكلام
مالهوش مثيل
جايني وياخدني يا قمر
أحلى قدر
أسهر معاه للسحر
ويغني بالمواويل
يومك جميل يا قمر
اليوم بطوله بحسبه
بالثواني والساعات
والحب ح افضل أطلبه
م النهارده وللممات
دا العمر عدى وانسرق
دا العمر عدى من سكات
لكن وبحلف ياقمر
من يوم ماشوفتك يا قمر
وسمعت صوتك يا قمر
قلبي انخطف
والنغمة عليت بالآهات
آخر كلامي يا قمر
دا اللي كان جنبي لقيته
حس بيا
لما شاف اللي جرالي
من عنيَّا
سري اللي بات معايا
وكان في قلبي
قام لوحده بيتنفض
دا من اللي فيا
دي الحقيقة مش كلام
شعر وأغاني
واسألي عيوني تقولك
واسألي قلبي عليا
وده نبض قلبي يا قمر